កម្លាំងនគរបាលខណ្ឌឫស្សីកែវឃាត់ខ្លួនជនសង្ស័យ២នាក់ ករណីលួចមានស្ថានទម្ងន់ទោស
01-December-2018 | ដោយ ពលមនសិការ
ភ្នំពេញ៖ កម្លាំងនគរបាលខណ្ឌឫស្សីកែវឃាត់ខ្លួនជនសង្ស័យ២នាក់ ករណីលួចមានស្ថានទម្ងន់ទោស(ឆក់កាបូប) កាលពីថ្ងៃទី២៩ ខែវិច្ឆិកា ឆ្នាំ២០១៨ វេលាម៉ោង១៩និង២០នាទី នៅលើកំណាត់ផ្លូវជាតិលេខ៥ ស្ថិតត្រង់ចំណុចក្រុមទី៣ ភូមិលូ សង្កាត់ស្វាយប៉ាក ខណ្ឌឫស្សីកែវ។
លោកវរសេនីយ៍ទោ គល់ យី អធិការនគរបាលខណ្ឌបានឲ្យដឹងថាជនសង្ស័យទី១-ឈ្មោះ លី រ៉ាហ្សាគីរីន ភេទប្រុសអាយុ២៤ឆ្នាំ ជនជាតិឥស្លាម ទីលំនៅផ្ទះលេខ៤២ ផ្លូវលេខ៩ ក្រុម៤ ភូមិខ.១ សង្កាត់ច្រាំងចំរេះ២ មុខរបរនៅផ្ទះមានសារធាតុញៀន និងជនសង្ស័យទី២-ឈ្មោះ រ៉ា ដាវីត ភេទប្រុស អាយុ១៨ឆ្នាំ ជនជាតិខ្មែរ មានទីលំនៅ ក្រុម៥ ភូមិខ១ សង្កាត់ច្រាំចំរេះ២ មុខរបរនៅផ្ទះ មានសារធាតុញៀន។ ជនរងគ្រោះឈ្មោះ សំ សូម៉ាណែត ភេទស្រី អាយុ២៩ឆ្នាំ ទីលំនៅផ្ទះលេខ៥១០ ក្រុម២ ភូមិឡកំបោរ សង្កាត់ស្វាយប៉ាក មុខរបរលក់ដូរ។សម្ភារៈដកហូត៖ ម៉ូតូមួយគ្រឿង ម៉ូតូម៉ាក ស៊ូរូស ពណ៌ស ពាក់ស្លាកលេខ ភ្នំពញ 1BY-1263។
លោកអធិការបន្តថា ជនរងគ្រោះបានធ្វើដំណើរទិសដៅពីត្បូងទៅជើងលុះដល់ចំណុចកើតហេតុ ត្រូវបានជនសង្ស័យធ្វើសកម្មភាពឆក់យកកាបូបតែម្តង រួចជិះគេចខ្លួនបាត់ហើយជនរងគ្រោះមិនបានមកដាក់ពាក្យបណ្តឹងទេ។ លុះដល់ព្រឹកឡើងថ្ងៃទី៣០ ខែវិច្ឆិកា ២០១៨ វេលាម៉ោង១០ព្រឹក ទើបជនរងគ្រោះមកដាក់ពាក្យបណ្តឹង។ ដោយទូរស័ព្ទជនរងគ្រោះជាប់ ជី.ភី.អេស កម្លាំងយើងបានស្រាវជ្រាវរហូតឈានដល់ឃាត់ខ្លួនជនសង្ស័យ២នាក់ នៅចំណុចក្រុម៤ ភូមិខ១ សង្កាត់ច្រាំងចំរេះ២ វេលាម៉ោង១៤និង៣០នាទី ក្នុងថ្ងៃខែឆ្នាំដដែល។
បច្ចុប្បន្នជនសង្ស័យកំពុងឃាត់ខ្លួនបណ្តោះអាសន្ននៅអធិការដ្ឋានដើម្បីសាកសួរយកចម្លើយនិងកសាងសំណុំរឿងចាត់ការតាមនីតិវិធី ៕
ចំនួនអ្នកទស្សនា
- ថ្ងៃនេះ12901
- ម្សិលមិញ11441
- សប្តាហ៍នេះ42731
- ខែនេះ157881
- ឆ្នាំនេះ157881
- សរុប20600337